Dakataccciyar Sanata mai wakiltar mazabar Kogi ta tsakiya, Natasha Akpoti-Uduaghan, ta yi karin haske kan halartar taron kungiyar ‘yan majalisun tarayya da aka yi a birnin New York na kasar Amurka kwanakin baya ba tare da izinin majalisar dattawan Najeriya ba.
‘Yar majalisar da ke cikin rikici ta bude wata jarida ta intanet bayan wani rahoto da ke cewa hukumomin leken asiri na binciken shigar ta a dandalin ‘yan majalisar duniya biyo bayan wata koke daga majalisar dattawa.
Sanata Akpoti-Uduaghan ta bayyana cewa ta gabatar da rajistar ta ta internet kuma ta samu takardar izinin halartar taron a matsayin wacce ta taba halarta wanda kuma yana cikin jerin wasikun IPU.
Ta kuma bayyana cewa ta biya kudin da za ta yi wannan balaguron ne da kanta.
Ta ci gaba da cewa dakatarwar da Majalisar Dattawa ta yi mata bai kawar da halaccinta a matsayin zababbiyar Sanata ba.
Karanta: El-Rufai bai isa ya sa mu bar PDP ba – Sule Lamido
Ta bayyana cewa halartar taron da Hukumar Kula da Matsayin Mata (CSW) ta shirya a baya ta taka rawa wajen karrama ta.
Ƴan majalisar da aka dakatar ta jaddada cewa ba a kebe abubuwan IPU ga jami’an gwamnati kadai ba, domin kuwa mutanen da aka amince da su da kungiyoyin farar hula suma suna da ‘yancin halartar irin wannan taron.
Da take ci gaba da cewa dakatarwar da aka yi mata daga Majalisar Dattawa ba bisa ka’ida ba ne, Natasha ta dage cewa takunkumin bai tube mata halaccinta a matsayin zababbiyar Sanata ba.
Ta kara da cewa ta halarci taron IPU a matsayinta na hukuma kuma ta yi magana a matsayinta na halastacciyar wakiliyar mazabarta.
Idan dai za a iya tunawa, majalisar dattawan ta dakatar da Natasha Akpoti-Uduaghan kimanin makonni biyu da suka gabata, ta yanke shawarar tsige ta daga duk wani aiki da ake yi mata na tsawon lokacin da za ta dakatar da ita, da dai sauran matakan ladabtarwa.
