’Yan wasan Kwara na musamman Para-Athletes a ranar Talata a Ilorin sun bukaci Gwamna Abdulrahman Abdulrazaq ya biya su kudaden da suke bin su kusan shekaru biyu yanzu.
‘Yan wasan yayin da suke gudanar da zanga-zangar lumana zuwa gidan gwamnatin Kwara da ke Ilorin sun kuma ce akwai bukatar a dauke su aiki.
Daga baya sun shaidawa NAN cewa idan aka dauke su aiki zai taimaka wajen daukaka su a fannin walwala da kuma taimaka musu wajen kara daukaka jihar.
Karin labari: An kashe jami’ai 15 a wani harin kwantan ɓauna a Sudan ta Kudu
Karkashin jagorancin Felix Oyadinrin, wanda daya ne daga cikinsu kuma mataimakin shugaban hukumar kwallon kwandon Najerita da ke Arewa Ta Tsakiya, ’yan wasan sun dauki kwalaye da rubuce-rubuce daban-daban domin bayyana ra’ayoyinsu.
Sun ce duk kokarin ganawa da gwamnan jihar bai yi nasara ba.
‘Yan wasan sun nemi a biya su lambobin yabo na gasar wasannin motsa jiki ta kasa NSF na shekarar 2022 a Asaba da Para Games a Abuja a na 2023.
Karin labari: Za’a fara shigo da doya Najeriya daga China
“Muna kuma neman wani kaso na musamman na wata-wata don jin dadin mu” in ji ‘yan wasan.
Sun kara da cewa, “Mun taimaka wajen bunkasa martabar jihar a tsakanin sauran a matakin wasanni, kuma a lokuta da dama, an yi mana alkawuran da ba a cika ba.
“A halin da ake ciki, da yawa daga cikinmu ba abin da muka yi wa jihar sai ayyuka na musamman ta fuskar wasanni kuma babu abin da za mu iya nunawa a rayuwarmu da ta danginmu.
Karin labari: Ana binciken dalilin yawan tashin gobara a jihar Kano
“A lokuta da dama, mun shirya taron karawa juna sani ga nakasassu kuma an yi hakan ne domin karfafa musu gwiwa.
Oyadinrin ya kara da cewa, “Abin kunya ne a ce duk wannan kokarin da ake yi an barnata ne saboda babu wani tallafi daga gwamnatin jihar.”
‘Yan wasan dai sun yabawa gwamnatin Gwamna Abdulrazaq kan ci gaban wasanni a jihar.
