Mahaifiyar gwamnan Katsina, Hajiya Safara’u Umaru Baribari, ta rasu tana da shekara 93.
Fadar gwamnatin jihar ce ta sanar da rasuwar mahaifiyar Gwamna Dikko Umaru Radda a yau Lahadi cikin wata sanarwa amma ba ta bayyana musabbabin rasuwar tata ba.
Sanarwar da babban sakataren yaɗa labarai Ibrahim Kaula Mohammed ya sanya wa hannu ta ce za a yi jana’izar marigayiyar da misalin ƙarfe 4:00 na yamma.
“Daga cikin ‘ya’yan da ta bari akwai mai garin Radda Kabir Umar Radda, da Hauwa Umar Radda, tsohuwar matar tsohon shugaban Najeriya marigayi Umar Musa Yar’adua,” in ji sanarwar.
Za a yi jana’izar a garin Radda mai nisan kusan kilomita 70 daga Katsina babban birnin jihar.
BBC
