Ofishin mai shigar da kara na Amurka da ke tsakiyar gundumar California ta dage yanke hukuncin da ake zargin dan damfara a Intanet Ramon Abbas, aka, Hushpuppi zuwa watanni biyar.
Darektan hulda da manema labarai na kotun, Thom Mrozek, a martanin da jaridar PUNCH ta yi masa ta imel da yammacin ranar Alhamis, ya ce an dage Shari’ar da aka shirya gudanarwa a ranar soyayya zuwa ranar 11 ga Yuli, 2022.
Takardar kotun ta nuna cewa alkali Otis D. Wright a birnin Los Angeles ya bada umarnin dage zaman ne bayan lauyoyin Hushpuppi karkashin jagorancin Louis Shapiro sun shigar da bukatar a dage sauraron shari’ar.
Har ila yau, a cikin takardar yarjejeniya , Hushpuppi ya amsa laifuka daban-daban da suka shafi zamba na intanet da kuma satar kuɗi, da sauransu.
An bayyana cewa Hushpuppi yana fuskantar hadarin “daurin shekaru 20 a gidan yari; tarar dala 500,000”.
Kotu ta kasance, a farkon umarnin da ta bayar na cewa Hukumar Bincike ta Tarayya ta kama tsohon shugaban sashin kar ta kwana na rundunar ‘yan Sandan Nigeria, DCP Abba Kyari, bisa zarginsa da hannu a badakalar $1m da Hushpuppi da wasu mutane biyar suka yi.
Kotun ta ki yin tsokaci kan sammacin da ta bayar a watannin baya cewa hukumar FBI ta kama Kyari da sauran wadanda ake tuhuma a shari’ar.
‘Yan sandan Dubai a Hadaddiyar Daular Larabawa sun kama Hushpuppi a cikin watan Yunin 2020 da ‘yan kungiyarsa.
Daga baya kuma hukumar ta FBI ta mika su ga Amurka domin gurfanar da su gaban kuliya.
Wakilin FBI na musamman, Andrew Innocenti, ya yi zargin cewa Hushpuppi ya yi kwangilar ayyukan Kyari ne bayan wani “mai hada baki,” Chibuzo Vincent, da ake zargin ya yi barazanar fallasa zargin damfarar dala miliyan 1.1 da aka yi wa wani dan kasuwa dan kasar Qatar.
Innocenti, wanda ya ce ya samu kiran waya da tattaunawa ta WhatsApp tsakanin Kyari da Hushpuppi, ya kuma yi zargin cewa dan sandan ya biya N8m ko $20,600 don kama Vincent da tsare shi.
A ranar 29 ga watan Yulin 2021 ne Kyari ya shiga shafin Facebook yana musanta zargin, amma daga baya ya goge sakon bayan ya gyara shi kusan sau 12.
Babban Sifeton ‘yan sanda ya ba da shawarar dakatar da Kyari, wanda hukumar PSC ta aiwatar a ranar 31 ga Yuli, 2021.
