A ranar Laraba ne wata babbar kotun tarayya da ke zamanta a jihar Legas, ta bayar da belin wani dan kasuwa Pascal Okechukwu, wanda aka fi sani da Cubana Chief Priest, kan Naira Miliyan 10 hadi da mutane 2 da za su tsaya masa.
Cubana, a baya, ya ki amsa laifin tafka magudi da cin zarafin Naira a lokacin da ake shari’ar sa.
Karin labari: Gwamnatin Katsina ta rufe wasu gidajen mai kan zargin alaƙa da ‘yan fashi
An gurfanar da Cubana a gaban mai shari’a Kehinde Ogundare a kan tuhume-tuhume 3 da suka shafi cin zarafin Naira ta hanyar yin feshi da kuma yin kutse da kudin kasar a wani taron jama’a, sabanin tanadin dokar babban bankin kasar ta shekarar 2007.
Ana zarginsa da cin zarafin Naira a ranar 13 ga watan Fabrairu, 2024, a Otal din Eko.
Karin labari: Jiragen sojin saman Najeriya sun kashe ‘yan ta’adda 30 a Borno
An ce babban limamin Cubana shi ma ya aikata laifukan ne yayin da yake rawa a wani taron jama’a.
Bayanai sun bayyana cewa ya yi ta’ammali da kudade a cikin takardun kudi na Naira 500 da CBN ta fitar ta hanyar fesa makamancin haka na tsawon sa’o’i biyu.
