Gwamnatin tarayya a ranar Laraba ta bayyana cewa mafita ta ƙasashe biyu ita ce hanya mafi daraja da za ta tabbatar da dorewar zaman lafiya ga al’ummar Falasɗinu.
Shugaba Bola Ahmed Tinubu, wanda mataimakin shugaban ƙasa Kashim Shettima ya wakilta, ya bayyana haka a yayin tattaunawa a zaman Majalisar Ɗinkin Duniya karo na 80 da aka gudanar a birnin New York.
Shugaban ƙasar ya ce: “Ba mu yarda cewa darajar rayuwar ɗan adam ta yi makale a cikin muhawara marar iyaka ba. Wannan shi ya sa muke cewa, ba tare da rauni ko jinkiri ba, mafita ta ƙasashe biyu ita ce hanya mafi girma wajen samar da zaman lafiya ga al’ummar Falasɗinu.”
Karanta: UNGA: Shettima zai gabatar da jawabin kasa na Najeriya a yau Laraba
Ya ƙara da cewa al’ummar Falasɗinu tsawon lokaci suna ɗaukar nauyin rikicin ɗabi’a, suna kuma cikin tsaka mai wuya na tashin hankali wanda yake keta hancin ɗan Adam.
Tinubu ya jaddada cewa al’ummar Falasɗinu ’yan adam ne masu daraja iri ɗaya, waɗanda suke da haƙƙi ga ’yanci da mutunci kamar sauran bil’adama.
A cewarsa, Najeriya a matsayinta na ƙasa mai yalwar al’adu ta fahimci nau’o’i daban-daban na dimokuraɗiyya da irin saurin aiwatar da su. Saboda haka, kasar na aiki tare da Majalisar Ɗinkin Duniya wajen ƙarfafa dimokuraɗiyya ta hanyar haɗin gwiwar yanki.
Ya ƙara da cewa farashin zaman lafiya shi ne kulawa ta dindindin, inda tsaro mai ƙara tauri ya sa ƙasashe ke ƙididdige tasirin sabon tsarin duniya.
Shugaban ya jaddada cewa gwamnati ta ɗauki matakai masu wuya amma dole wajen sake fasalin tattalin arzikin ƙasa, ciki har da cire tallafin man fetur da kuma kawar da sarrafa kuɗi na tilas wanda ya fi amfani ga ’yan kaɗan a kan jama’a da yawa.
NAN
